|
Ode aan Vorst Karel
Ied're Pieëlhaas is nie ender,
Ge hèt ze grötter en ok klender
Mer den ieëne stekt wied bòvve d'and're üt
't Is 't hääske van Vorst Karel
't Is de parel van de Parel
Umdat dèn Vorst Karel aller ier àn düt
Want Vorst Karel schreef historie
't Stöt gegrift ien ôs memorie
Umdat Karel Rooy de vastelaovend gaaf!
Dorum zàng, getōēt getokkel
An de vōēt van dizze sokkel
En wi'j dànke hum dorum mit ôs alaaf
Dizzen haas wier ôs gegaeve
En mugt bi'j ôs blieve laeve
Midde tusse hieël zien hazevollek ien
dat zun wi'j ālt echt wàrdiere
En 't fieëste nie verliere
Wi'j zun Karel dorvur āltied dànkbaar zien.
Karel Wijnen deej grossiere
Ok ien carnaval maniere
Nog aens, vur den Vorst en làng alaaf!
Dur den haas hier ner te zette
Daenke wi'j ok àn zien wette
En dat hääske mot niet altied blieve staon!
Mit de vastelaovesdage
Zulle wi'j dan noeëts versage
En hier āltied efkes um hum hosse gaon!
Gerrit Janssen.
Rooy, 16 november 1986
|
